مخروطی قرنیہ دراصل قرنیہ کی ایک ایسی خرابی کا نام ہے۔جس میں قرنیہ کے اند ر بتدریج پتلا پن اور بے قاعدہ کج نظری پیدا ہوجاتی ہے۔
مخرطی قرنیہ کا تعلق مندرجہ ذیل عوامل سے ہو سکتا ہے۔
آنکھوں کی حساسیت کی بنیاد پر با ر بار رگڑنا اور ملنا۔
حساسیت کی دیگر بیماریوں جیسے جِلدی حساسیت اور پپو ٹوں کی حساسیت یا دمہ کا ہونا ۔
خاندان میں مخروطی قرنیہ کے مرض کا پا یا جانا ۔
اجتماعی علامات والی بیماریوں جیسے اندھراتا(Retinitis Pigmentosa)اور ڈون سینڈروم( Syndrome (Down’s کا ہونا۔
یہ بیماری مکمل طور پر اندھا پن پیدا نہیں کرسکتی۔ لیکن نظر میں شدید کمی پیدا کر سکتی ہے۔ خا ص طور پر قرنیہ کے مخروط میں پانی بھر جانے کی صورت میں قرنیہ کوتبدیل کرنے کے علاوہ کوئی چارہ کار باقی نہیں رہتا۔
جی ہاں یہ ایک بتد ریج بڑھنے والی بیماری ہے۔اس بیما ری میں زیادہ تیزی اور شدت عمر کی دوسری اور تیسری دہائی میں واضح ہوتی ہےاور بعض اوقات خرابی کا یہ عمل خودبخود کسی مرحلے پہ رُک بھی جاتا ہے۔
مخروطی قرنیہ کا موروثیت کے ساتھ تعلق ثابت ہو چکا ہے۔تاہم اِکا دُکا مریضوں میں غیر موروثی مخروطی قرنیہ بھی ممکن ہے۔
قرنیہ کے مخروط میں پانی بھرنے کی صورت میں آنکھ سے پانی بہنے اور دور کی شکایات ہو سکتی ہیں۔
ٹوپوگرافی (Corneal Topography)کی مدد سے قرنیہ کی سطح کا تفصیلی جائزہ۔
نظرمیں ابتدائی کمی کا علاج تو عینک ہی سے کیا جاتا ہےتاہم سخت اتصالی عدسات(Hard Contact Lens) بھی استعمال کیے جاسکتے ہیں۔مخروطی قرنیہ کومزید خراب ہونے سے روکنے کیلئے کولیجن کراس لنکیج (Collagen Cross Linkage)نامی علاج لازمی ہو جا تا ہے۔نظر میں بہتری کیلئے کارنیل رنگز(Corneal Rings) استعمال کر سکتے ہیں ۔قرنیہ کے مخروط میں پانی بھر جانے کی صورت میں قرنیہ کو تبدیل کرنے والی جراحی کی ضرورت پڑسکتی ہے۔
یہ مخروطی قرنیہ میں مزید خرابی کو روکنے کیلئے ایک طریقہ کار کا نام ہے۔اس میں رائی بوفلیون قطروں کو قرنیہ پرڈالنے کے بعد اسے بالائے بنفشی روشنی دی جاتی ہے۔اس عمل کے نتیجہ میں قرنیہ میں مضبوطی پیدا ہو جاتی ہے۔اور مزید مخروطی پن پیدا ہو نارُک جاتا ہے۔یہ علاج سےپہلے سے پیدا شدہ مخروطی پن کو ٹھیک نہیں کرتا۔
جی نہیں۔ عینک اتارنے والی عام شعاعوں سے علاج مخروطی قرنیہ کے مریضوں میں ممنوع خیال کیا جاتا ہے۔تاہم کراس لنکیج کے بعد جب قرنیہ کی مضبوطی کا یقین ہو جائے تو ماہرِ امراض ِچشم عینک کے نمبر کو کم کرنے اور نظرکو بہتر بنانے کیلئے کوئی مناسب طریقہ علاج تجویز کرسکتے ہیں۔
